قرار إنجاب طفل قرار مهم جدًا و مسئولية كبيرة „ يعنى بعيًدا عن مسئولية تربيته و تعليمه و مساعدته على إنه يكون إنسان و له شخصية مميزة و مدى صعوبة المهمة دى خصوصًا فى بلد زى مصر ..

فمسئولية الحمل نفسها على الأم „ مسئولية فوق الوصف و حمل تقيل جدًا „ كفاية إنها طول الوقت تفضل قلقانة و شايلة هم إنه أى خطوة أو حركة غلط بتعملها أو أى أكلة مضرة بتأكلها أو تدخين أو مجهود ممنوع أو تقصير فى دوء أو علاج ممكن يكون سبب فى أيذاء بنى آدم و مخاطرة بحياة هى مسئولة عنها „ المسئولية شئ صعب أوى أوى و حمل تقيل و تقييد اختيارى للحرية و حرمان من حاجات كتير نفسنا فيها .. يعنى برضه الإنسان لما يعيش خفيف شايل حمل نفسه بس و هوا حر فى إنه يأذيها أو لأ فده شئ لطيف „ لكن التفكير طول الوقت فى إنه التقصير فى حق إنسان تانى ده مش حقى و مش قرارى هم تقيل .